ဗၠာဲမန်လွဳရတ်
ဗၠာဲမန်လွဳရတ် ဂှ် ဒှ် သၟာဒယှ်ေဒွက် ကေုာံ အစာမချူဒွက်မန်မွဲရ။ ဗၠာဲမန်လွဳရတ် ဒှ် ကောန်ကွာန်ဝါဂလဳ စှ်ေဒၞာဲ ကုမိသာန်သာန်မဵု ကွာန်တံင်ပရင်တုဲ ပဒတဴဒၟံင် ပ္ဍဲကွာန်တံင်ပရင်ရ။ ညးတၠရမ္သာင် ဗၠာဲမန်လွဳရတ်ဝွံ ပ္တိတ်ကၠုင် ကဝးဒွက်မန် မွဲစွံ ကုသကအ်ရဲဇကု ပိကဝးတုဲ ဗွဲကြဴ ပါလုပ် ပ္ဍဲဂကောံဂဳတမန် ပွိုင် ၇-၈ သၞာံရ။
| သၟာသုခုမ ဗၠာဲမန်လွဳရတ် | |
|---|---|
| သၠးဂၠံဂဝ် |
မောင်ဝင်းအောင် အံက်တဝ်ဗါ ၉၊ ၁၉၇၄ ဝါဂလဳ၊ ပွိုင်ဍုင်ဇြပ်ဗု |
| စုတိ |
ဨပြဳ ၃၀၊ ၂၀၂၄ (အာယုက် ၄၉) ပ္ဍဲသ္ၚိ၊ ကွာန်တံင်ပရင် |
| ဟိုတ်မစုတိ | ယဲ |
| ဂကူ |
 Monမန် |
| ကောန်ဍုင် |
 Myanmarကောန်ဍုင်ဗၟာ |
| မဒယှ်တဴ | သၟာဂဳတ |
| ဌာန်ဇာတိ | ဝါဂလဳ |
| သမၠုင် | 5 ft 4 in |
| အိန်ထံင် | မိသာန်သာန်မဵု |
| ကောန်ဇာတ် |
|
| အံက် |
|
အတ္ထုပ္ပတိ
ပလေဝ်ဒါန်ဗၠာဲမန်လွဳရတ်ဂှ် က္တဵုဒှ် မၞိဟ် ပ္ဍဲ သၞာံ ၁၉၇၄ အံက်တဝ်ဗါ ၉ (သက္ကရာဇ် ၁၃၃၆ ဘတ် ၉ စွေက်) တ္ၚဲဗုဒ္ဓဝါ၊ ပ္ဍဲကွာန်ဝါဂလဳ၊ ပွိုင်ဍုင်ဇြပ်ဗု၊ မဒှ် ကောန် နာဲချေတ်ဇြိင် (ချစ်စိန်)၊ မိအေဃေန်။ ယၟု နူဍောတ်ဍောတ်ဂှ် မိမတအ် ခုတ်ကဵုလဝ် မောင်ဝင်းအောင်။ အခိင် ကာလ မဒှ်ဘဝခမဳ ကလိဂွံ ယၟုခမဳ နာဲဝါရိန္ဒ။ ဗၠာဲမန်လွဳရတ် ဒှ် သ္ၚိဌာန် ကုမိသာန်သာန်မဵု မဒှ် ကောန်ကွာန်တံင်ပရင်တုဲ ပဒတဴဒၟံင် ပ္ဍဲ ကွာန်တံင်ပရင် ရ။ ဗၠာဲမန်လွဳရတ် ကေုာံ မိသာန်သာန်မဵု က္လိဂွံ ကောန်ဝုတ်ပိ မိဝုတ်မန်ရာင်မောဝ်၊ မိပိုန်မန်၊ မိရတ်ကညာမန်။ သၞာံ ၂၀၂၄ ဨပြဳ ၃၀ (ဂိတုစဲ ၇ စွေက်) တ္ၚဲအင္ၚာ အခိင် ဂယး ၁၁း၅၅ ဂှ် ဗၠာဲမန်လွဳရတ် ကလိဂွံ အာယုက် ၄၉ သၞာံ၊ စုတိအာ ပ္ဍဲသ္ၚိညး ကွာန်တံင်ပရင်ရ။ အခိင် ဗၠာဲမန်လွဳရတ် မစုတိဂှ် သမ္ဘာညး မိသာန်သာန်မဵု နွံဒၟံင် ဍုင်သေံတုဲ၊ ကမ္မဌာန်ဂှ် မင်လ္ဇ သမ္ဘာညးတုဲ ဂိတုစဲ ၉ စွေက် အခိင်လဒေါဝ်တ္ၚဲ ၁၂ နာဍဳ ဖျေဟ်ကမ္မဌာန် ပ္ဍဲသုသာန် ကွာန်တံင်ပရင်ရ။[၁][၂]
သုခုမ
ပလေဝ်ဒါန်ညးတၠရမ္သာင် ဗၠာဲမန်လွဳရတ် ဒယှ်ေဒွက် ပ္တိတ် ကဝး အလန်ကိုပ်ကၠာအိုတ် ပ္ဍဲ ကဝး မနွံယၟု "ယဲ" ပ္ဍဲကဝးဂှ် ဗၠာဲမန်လွဳရတ် ကေုာံ ညးတၠရမ္သာင် ဇမ္ဗူရတ် ကဵု ဓနက်ဆာန် ဒယှ်လဝ်ရ။ အလန်ဒုတိယဂှ် ကဝး "ဝိုတ်ဟွံမာန်ဌာနဳ"။ ပ္ဍဲ ကဝးဏအ်ဂှ် ဗၠာဲမန်လွဳရတ် ကောံ ကုမြဟ်ဟံင်မာန် ညးၜါ ဒယှ်ေလဝ်ရ။ ကဝးအလန်တတိယဂှ် ဗၠာဲမန်လွဳရတ် ကောံ ကုဟံသာမာန် (ဇြဝ်ဠာတ်) ဒယှ်ေလဝ် ကဝး မနွံယၟု "ကဝေင်ဆာန်ဂၠာန်န်"။[၁]
ဗွဲကြဴဂှ် ဗၠာဲမန်လွဳရတ် ပါလုပ် ပ္ဍဲ ဂကောံဂဳတမန်၊ တိတ်အာကၠောန်စ ပ္ဍဲ ရးမရာဇ်သေံ ကေုာံ ရးနိဂီုမလေယှာ၊ ကလေင်စဴ နူဂှ် က္လေင်ပါလုပ် ပ္ဍဲ ဂကောံဂဳတမန် ပွိုင်ၜိုတ် ၇ - ၈ သၞာံရ။ အခိင်ဂှ်မ္ဂး သီုချူ သီုဒယှ်ေ အကြာ ကမၠောန်ဂလိုင်လမျီု၊ တာလျိုင် ဘဝအိန်ထံင်ဂှ် လုပ်ကၠောန်ကၠုင် သွာင်ဂဳတ နကဵု ဝါသနာ ကေုာံ စိုတ်ဓါတ် ဆာန်ဂကူမန်ရ။ ပါဲနူဂှ်တုဲ ပ္ဍဲ ဂကောံ "ဂဳတစိုပ်ပ်" ဂှ် နကဵု ညးက္ဍိုက်ပ်၊ ညးမကဵုကသပ်ဂှ် လုပ်ကေတ်လဝ် တာလျိုင်ကီုရ။[၁]
နိဿဲ
ပလေဝ်ဒါန်- ↑ ၁.၀ ၁.၁ ၁.၂ တံင်ပရင်, အံက်သာ (April 30, 2024). " အာစာချူဇန်ဒွက် ပရေၚ်ဆာန်ဂတာပ်ခေတ်ဒယှ် ညးတၠရမျာၚ် ‘ဗၠာဲမန်လွဳရတ်’ စုတိပြံၚ်အာဘဝပလိုက်. Open.
- ↑ "" အ္စာကၞေဟ်၊ တၠရမျာင်ဒယှ် ဗၠာဲမန်လွဳရတ် စုတိ"၊ Independent Mon News Agency၊ April 30, 2024။