သြောံ

သြောံ (အၚ်္ဂလိက်: rice) ဂှ် ပိုဲကၠောန်ဂွံနူ ဗ္ၚရ။ ပိုဲကၠောန်ဂွံသြောံအောန်မ္ဂး စရောဟွံရုမ်ဂပ် သွံရောဟွံဂွံသွံစရ။ မၞိဟ်ကၠောန်ဗ္ၚဂၠိုၚ်မ္ဂး ဂွံသြောံဂၠိုၚ်ရ။ သ္အာၚ်နူဂှ် ကၠောန်တဴနကဵုနဲ သိပ္ပံမ္ဂး သြောံတိတ်ဂၠိုၚ်ရ။ ဂၠးဍုၚ်ပိုယ် သြောံညံၚ်ဂွံတိတ်ဂၠိုၚ်ဂှ် ပိုဲဒကၠောန်တိုန် လွဳဗဒှ်တိုန်ရောၚ်^[၁]။ သြောံဂှ် ဗဒှ်ကဵု သ္ၚတုဲ နပွမဍိုန်သ္ၚတုဲ ပိုယ်တအ်ကလိဂွံ ပုၚ်ရ။ ဗီုအရေဝ်မန်ဟီု "ကြက်မၞိဟ်ဆပုၚ် ကြက်ဍုၚ်ဆပၞာန်" ကီုရ၊ ပိုယ်မၞိဟ်ဂမၠိုၚ် ယဝ်ရဟွံဂွံစပုၚ် စၞအာဟာရမ္ဂး ခြာဟွံလအ် ဒးပကာဂစိုတ်ရ။ တုပ်သာ်ဂှ်ကီု ဂၠးဍုၚ်မွဲမွဲ သွက်ဂွံစဵုဗ္ဒန်မၚ်မွဲဂၠးဍုၚ် ဒပ်ပၞာန်ဟွံမွဲမ္ဂး ဂၠးဍုၚ်ဂှ် ဂကူတၞဟ်သ္အာၚ် လုပ်ဗ္တိုက်ပၠံၚ်ၜးကေတ်တုဲ ဒှ်အာဘဝဍိက်မာန်ရောၚ်။

ဂကူသြောံ

ဂကူသြောံ မကၠုၚ်နူပါဠိ (၇) ဂကူ

သြောံသာလဳ
သြောံဒေါဝ်
သြောံယဴ
သြောံလၟာန်
သြောံပၠၚ်ဆပ်
သြောံဂန်
သြောံကော်ဂြၚ်^[၂]

နိဿဲ

↑ လိခ်ဗွဟ်မန်တၟိ-အုပ်ဒုတိယ (၁၉၈၅) ဗော်ဒုၚ်ကာလိခ်ပတ်ယေန်သၞာၚ်မန်၊ကွာန်ကံဗိန်။ မုက်လိက် - ၁၀ ။
↑ နာဲဂန္ဓမာလာ ( ) သဳလက္ခန္ဓဝဂ္ဂဋ္ဌကထာ၊ မုက်လိက် ၇၆။

[1] လိခ်ဗွဟ်မန်တၟိ-အုပ်ဒုတိယ (၁၉၈၅) ဗော်ဒုၚ်ကာလိခ်ပတ်ယေန်သၞာၚ်မန်၊ကွာန်ကံဗိန်။ မုက်လိက် - ၁၀ ။

[2] နာဲဂန္ဓမာလာ ( ) သဳလက္ခန္ဓဝဂ္ဂဋ္ဌကထာ၊ မုက်လိက် ၇၆။

[၁]

[၂]