အရိမေတ္တေယျ၊ ကျာ်စေတဳ မနွံလတူဒဵုဗျု
ကျာ်စေတဳအရိမေတ္တေယျ ဝွံ ဒှ်ကျာ်စေတဳ မနွံ လတူဒဵုဗျု၊ မဒှ်ဂၠံင် မတိတ်အာ ပယျဵုနိဂီုသေံရ။ ကျာ်စေတဳဝွံ ကျာ်ဇၞော်အစာဘဒ္ဒန္တပုပ္ဖရမ္မ (မကော်ဂး ထပိုယ်ဍောတ်) မဒှ်ကျာ်ဇၞော် မပ္တန်သာသနာ ဒဵုတၟအ်ဗြာတ်၊ ပွိုင်ဍုင်ရေဝ် အာဂတ ပၠတရဴတုဲ ပ္တန်လဝ် ပ္ဍဲသၞာံ ၂၀၂၃ ဂိတုဖေဖဝ်ဝါရဳဂှ်ရ။[၁][၂][၃] ဒၞာဲမပ္တန်လဝ်ကျာ်ဂှ် နကဵု ဌာန်အုပ်ဓုပ် ဗော်ဍုင်မန်တၟိ၊ ခရိုင်ဍုင်ရေဝ် ကဵုလဝ်ဒါန်တိဂြိုပ် လၟိဟ် လ္ၚီဨက ပ္ဍဲဇရေင် ကွာန်ချေဟ်ဍာ်ဂှ်ရ။[၄]
| စေတဳကျာ်အရိမေတ္တေယျ | |
|---|---|
 | |
  Myanmar ဒၞာဲဒတန် မနွံ | |
| တင်ဂၞင်ဂမၠိုင် | |
| ဒတန်ဒၞး | 15°18′07″N 98°15′11″E / 15.301898313487287°N 98.25315126235786°Eဒတန်: 15°18′07″N 98°15′11″E / 15.301898313487287°N 98.25315126235786°E |
| မဆေင်စပ် ကုဘာသာ | ဗုဒ္ဓဘာသာ |
| သၞာံမပတုဲလဝ်ဒါန် | ၂၀၂၃ |
| အကာဲအရာလၟုဟ် | တန်တဴ |
| ဗိသုကာ | |
| ညးမပတန် | ကျာ်ဇၞော်ပုပ္ဖရမ္မ (ထပိုယ်ဍောတ်) |
| မစိုပ်ဒတုဲ | ၂၀၂၃ |
| ဗွဲမသောဲဗြောဲ | |
| သမၠုင် | ၃၇ ပေ |
ဝင်
ပလေဝ်ဒါန်ကျာ်စေတဳအရိမေတ္တေယျဝွံ နကဵု ကျာ်ဇၞော်အစာဘဒ္ဒန္တပုပ္ဖရမ္မ မကော်ဂး ဂုဏ်အစာထပိုယ်ဍောတ် မနွံပိုန် ဘာကျာ်ဒဵုတၟအ်ဗြာတ်၊ ပွိုင်ဍုင်ရေဝ် အာဂတပၠတရဴတုဲ နကဵု မဒါန်ဒါယကာအဟောဂှ် ပ္တန်လဝ်ရ။ ဇာန္နဝါရဳ ၂၅၊ ၂၀၂၃ ဂှ် စၜံက်ခါဲဒၞာဲသွက်ဂွံဖျေဟ်ရိုဟ်ကၞက်ကျာ်ရ။[၅]ဖေဖဝ်ဝါရဳ ၂၊ ၂၀၂၃ ဂှ် ပလ္လင် မနွံဗွိုက် ၁၀၈ ပေ၊ သမၠုင် ၆ ပေဂှ် ဒက်ပ္တန်တုဲ[၆] ဖေဖဝ်ဝါရဳ ၇-၈ ဂှ် ဒက်စိုပ်ခၞိင်အာစိုပ်ဒတုဲရ။ ဖေဖဝ်ဝါရဳ ၉ ဂှ် သလိုင်စုတ် ဓါတ်သော် မကလိဂွံ နူသဳရိလင်္ကာ ကေုာံ ဓါတ်နူကဵု ကျာ်ဇၞော်ဘာဝင်က တုဲ ကၟာတ်လဒဵုကၠေအ် ခမၠိုင်ဓါတ်ဂှ်ရ။ ဖေဖဝ်ဝါရဳ ၁၄ ဂှ် စိုပ်ခဒအ်ဗြာတ် အာစိုပ်ဒတုဲရ။ ဂိတုဖဝ်ရဂိုန်ပေင် (မာတ် ၅၊ ၂၀၂၃)ဂှ် ကၠောန်သဘင် သၠိုက်ၝောအ်ကိုဋ် (လ္ဇံက်က္ဍိုင်)ကျာ်ရ။[၁][၇][၂] သွက်ဂွံပ္တန်ကျာ်ဝွံ စရင်သြန်ဒါန် နူဒါယကာဂမၠိုင်ဂှ် သြန်ဒါန် နူဍုင်မန် သီုဖအိုတ် ၆,၄၃၃,၀၀၀ ဒကေဝ်၊ သြန်ဒါန် နူကောန်ဍုင်မန်ဗၟာ မကၠောန်စဒၟံင် ပ္ဍဲကိုဝ်ရဳယျာ ဂှ် သြန်ဝါန် ၁,၃၃၀,၀၀၀ ဂွံသြန်ဒကေဝ် ၂,၉၀၆,၅၀၀ ဒကေဝ်၊ သြန်နူသေံဂှ် ၁၁,၇၈၀ ၜါတ် ဂွံသြန်ဒကေဝ် ၉၈၁,၅၀၀ ဒကေဝ် သီုဖအိုတ် က္လိဂွံ သြန်ဒါန် ၁၀,၄၇၁,၀၀၀ (မွဲနိလဟုတ် ပန်ကိုဋ် ထပှ်လက် မွဲလ္ၚီ) ဒကေဝ်။[၈]
စမြိုင်
ပလေဝ်ဒါန်စေတဳဝွံ သီုဖအိုတ် နွံသမၠုင် ၃၇ ပေ။ ဗွိုက် ပ္ဍဲတမ်ဇိုင်ကျာ် နွံ ၂၇ ပေ။ သမၠုင်ပလ္လင် နွံ ၆ ပေ။ ဗွိုက်ပလ္လင် နွံ ၁၀၈ ပေ။[၁][၂]
နိဿဲ
ပလေဝ်ဒါန်- ↑ ၁.၀ ၁.၁ ၁.၂ ဝံသရက္ခိတ, ဂျဳဝေန် (February 14, 2023). ဖဝ်ရဂိုန်ပေင် ပ္တိုန်က္ဍိုင်ကျာ်. Open.
- ↑ ၂.၀ ၂.၁ ၂.၂ ဝံသရက္ခိတ, ဂျဳဝေန် (February 14, 2023). ဖဝ်ရဂိုန်ပေင် ပ္တိုန်က္ဍိုင်ကျာ်. Open.
- ↑ ဝံသရက္ခိတ, ဂျဳဝေန် (February 9, 2023). " ပတန်ကျာ်. Open.
- ↑ လီုထာဝရ, ဆာန်မွဲခဏ (February 15, 2023). " သဘင်ပတိုန်က္ဍိုင်ကျာ်. Open.
- ↑ Naing, Thant (January 25, 2023). " ၜံက်ခါဲဒၞာဲသွက်ဂွံဖျေဟ်ကၞက်. Open.
- ↑ Win, Nai Kyi (February 2, 2023). " ဖျေဟ်ကၞက်ကျာ်. Open.
- ↑ Chan, Kong (February 14, 2023). " သၠိုင်ဓါတ်ကျာ်. Open.
- ↑ Sar, Nai Houng (March 4, 2023). " စရင်သြန်တၠဒါန်ဂမၠိုင်. Open.