ကဝ်လိက်ကောန်ဂကူမန်

ကဝ်လိက်ကောန်ဂကူမန်
Mon National College
	Official logo since 2022
ယၟုတၞဟ်	MNC
ဂကူ	ပရေင်ပညာညးဍုင်ကွာန်
ဒက်ပတန်	၂၀၂၂; ၂ နှစ် ago
သကိုပ်ဌာန	နာဲလွဳမန်
ဂဥုပ်ဘာ	ဒံက်တာနာဲပညာမန်
ညးလမ္ၚတ်ဂမၠိုင်	၃၀၀
ဒၞာဲမနွံ	ညဳသာ၊ ဒေသပကင်ရင် ဗော်ဍုင်မန်တၟိ
ဝပ်သာက်	www.facebook.com/monnationalcollege

ကဝ်လိက်ကောန်ဂကူမန် (အၚ်္ဂလိက်: Mon National College) ဂှ် နွံ ပ္ဍဲ ကွာန်ညဳသာ (လဆောဝ် ကော် ဗဒိုပ်ညဳသာ)၊ ဒေသပကင်ရင် ဗော်ဍုင်မန်တၟိ၊ ကၞောတ်ၜဳရေဝ်၊ ပွိုင်ဍုင်ရေဝ်၊ တွဵုရးဍုင်မန်။ ကဝ်လိက်ဝွံ ဒက်ပ္တန်လဝ် နကု ကမ္မတဳပရေင်ပညာကောန်ဂကူမန် (Mon National Education Committee – MNEC)။^[၁] ကဝ်လိက်ကောန်ဂကူမန်ဂှ် စပံက်ဗ္တောန်လိက် ကုညးလမ္ၚတ်/ကွးဘာ နူ ဂိတုဂျောန် ၂၀၂၂ ပ္ဍဲ ဘာဗတောန်လိက်ယာယဳ မသြိုင်လဝ် နကဵုဆုဒုန်ရ။ သၞာံကိုပ်ကၠာအိုတ်ဂှ် ညးလမ္ၚတ် နွံ ဗဒါဲ ၃၀၀ တၠ၊ မဗ္တောန်ဒၟံင် နကု အစာ ပ္ဍဲကဝ်လိက်ကီု သီုကဵု အစာဇမ္ၚောဲ မဗတောန် နဗဳဒဳယော ဇြောမ် Zoom ကီုရ။^[၂]

နကုကဝ်လိက်ဝွံ ဗ္တောန်ဖျေဟ်ဒၟံင် ဘာသာသိပ္ပံပရေင်မၞိဟ် (Social Science)၊ မဳဒဳယာ ကေုာံ အစာပရိုင် (Mass Media and Journalism)၊ က္ဍိုပ်သကိုပ် ကေုာံ စၟိန်ပြမာန် (Leadership and Management)၊ အစာဘာ (Education Teaching)၊ စၟိန်ပြမာန်ပရေင်ပညာ ကေုာံ လိက်ပတ်မန် (Education Management and Mon Literature) တုဲ နူကဵု ကဝ်လိက်ဏအ်ဂှ် ကုညးလမ္ၚတ်မအံင်တအ်ဂှ် ပအပ်ကဵု Associate Degree of Art ရ။ ဂဥုပ်ဘာဂှ် ဒှ် ဒံက်တာနာဲပညာမန်။^[၂]

စမြိုင်ဘာဇၞော်ဂှ် နကုသြန်ဒါန် နူကောန်ဂကူမန် ကေုာံ နူဂကောံစေတနာတအ်ဂှ် စသြိုင်ဒၟံင် နူဂိတုဒဳဇြေမ်ဗါ ၂၅၊ ၂၀၂၂ မရန်လဝ် အိုတ်သြန်ဒကေဝ်ဗၟာ ၆၀၀ ပြကောဋိကိုဋ် (=၂၀၀,၀၀၀ ဒဝ်လာအမေရိကာန်)။ သွက်ဘာဂွံဂေတ်မာန်ဂှ် မွဲမွဲသၞာံ သြန်ဒကေဝ်ဗၟာ ၜိုတ် ၂၀၀ ပြကောဋိကိုဋ် (၆၅,၀၀၀ ဒဝ်လာအမေရိကာန်) အိုတ်မာန်ရောင် တော်လဝ်ရ။^[၂]

ဝင်

ကဝ်လိက်ကောန်ဂကူမန်ဝွံ ဒက်ပ္တန်လဝ် နကု ကမ္မတဳပရေင်ပညာကောန်ဂကူမန် တုဲ စပံက်လဝ် နူ သၞာံပညာ ၂၀၂၂၊ စပံက်ဗ္တောန်လိက် ပ္ဍဲသၞာံ ၂၀၂၂ ဂိတုဂျောန်။ သၞာံကိုပ်ကၠာအိုတ်ဂှ် ကွးဘာ နွံၜိုတ် ၃၀၀ တၠ။ ဂဥုပ်ဘာကိုပ်ကၠာအိုတ်ဂှ် ဒှ် ဒံက်တာနာဲပညာမန် မညး ကလိဂွံလဝ် တဆိပ်တြာဒံက်တာ နူကၟိန်ဍုင်အမေရိကာန်တုဲ ကၠောန်ဒၟံင် ကမၠောန်သွာင်ပရေင်ဍုင်ကွာန် သွက်ကောန်ဍုင်အရင်ဂမၠိုင် မပဒတဴ ဗွဲတၟေင် ပ္ဍဲရးမရာဇ်သေံ။ ကဝ်လိက်ဂှ် ဗ္တောန်ဒၟံင် နကုအစာဘာ မပဒတဴ ပ္ဍဲဘာဂှ်ကီု သီုကဵု အစာဇမ္ၚောဲ မဗ္တောန် နကဵုဗဳဒဳယောဇြောမ်ရ။^[၂]

ပရေင်ပံင်တောဲ ကေုာံ စၟတ်သမ္တီ (MoU)

သၞာံ ၂၀၂၄ ဂိတုဖေဖဝ်ဝါရဳ ၈ အခိင် ၁၀း၀၀ ဂှ် တက္ကသိုလ်ဖာယျာပ် (Payap University) ဇင်မာဲ ရးမရာဇ်သေံ ကု ကဝ်လိက်ကောန်ဂကူမန် ထ္ပက် စၟတ်တဲ လိက်မတုပ်စိုတ် (Memorandum of Understanding; MOU) သွက်ဂွံထံက်ပင် အစဳအဇန် ပရေင်ပညာ ဒဒှ်မနွံကုနာနာ ကေုာံ ဒဒှ်မပါလုပ် (Diversity and Inclusion Scholarship Program – DISP) ပ္ဍဲ ၝောအ်ခန်အဓိပတိ တက္ကသိုလ်ဖာယျာပ်ရ။ အစဳအဇန် DISP ဂှ် ဒှ် ပရေင်ကမၠောန် နကဵု ပစ္စယ် အေဂျေန်သဳသဟရးအမေရိကာန် သွက် ဇမၞော်မၟောဝ်ရးနိဂီုနာနာ (United States Agency for International Development — USAID) မထံက်ပင်ကဵုလဝ် သြန်ဒဝ်လာအမေရိကာန် ၄၅ မဳလဳယာန် ပွိုင် ၅ သၞာံရ။ တင်ရန်တၟအ် အစဳအဇန်ဏအ်ဂှ် သွက်ဂွံ သၠုင်ပ္တိုန် ဍာ်ဒကေဝ် က္ဍိုပ်သကိုပ်မှာဇန် ရးနိဂီုဗၟာ နမသၠုင်ပတိုန် ဍာ်ဒကေဝ်ပညာကဆံင်သၠုင်ရ။ လိက်မတုပ်စိုတ်ဝွံ သွက်ဂွံထံက်ပင် ကုအာ လာပ်ပညာ (scholarship) ကု ကွးဘာ ၁၅ တၠ နူ ကဝ်လိက်ကောန်ဂကူမန် ရ။ ပါဲနူဂှ်တုဲ စၟတ် ကွးဘာ မကလိဂွံလဝ် နူ ကဝ်လိက်ကောန်ဂကူမန်ဂှ် နကု တက္ကသိုလ်ဖာယျာပ် ပစၟတ်သမ္တီတုဲ ကွးဘာတအ်ဂှ် ဂွံအခေါင် ဆက်တိုန် ဘာတက္ကသိုလ်ဖာယျာပ် ဂွံကီုရ။^[၃] ပါဲနူဂှ်တုဲ တုပ်လဝ်စိုတ် ရေင်သကအ် သွက်ဂွံ ဆက်ကၠောန်အာ ဒွိဒဳဂရဳ (Dual Degree) ကေုာံ သမဒဳဂရဳ (Join Degree)၊ တုဲပၠန် တက္ကသိုလ်မွဲ ကုမွဲ ညံင်ဂွံဗိုင်ရေင်တၠုင် ပရေင်သမၠုင်ဍာ်ဒကေဝ်ပညာ ရေင်သကအ်တအ် ပါလုပ်ရ။^[၄]

သၞာံ ၂၀၂၄ ဂိတုနဝ်ဝေမ္ဗာ ၆ တ္ၚဲဗုဒ္ဓဝါ အခိင်ဒေသဂယး ဂှ် ကဝ်လိက်ကောန်ဂကူမန် ကု တက္ကသိုလ်ပါဒူ (Purdue University of Fort Wayne) သဟရးအမေရိကာန် ထ္ပက် စၟတ်တဲ လိက်မတုပ်စိုတ် MoU ရေင်သကအ်ရ။ အသေအဟာန်သၞက်ကတိကဝတ်ဂှ် ကၠောန်ဗဒှ် ပ္ဍဲ ၝောအ်ခန် International Ballroom ပ္ဍဲတိုက် Walb Student Union တက္ကသိုလ်ပါဒူ ရ။ တင်လတုပ်စိုတ် အဓိက ပ္ဍဲလိက်ကတိကဝတ်ဂှ် သွက်ဂွံ သၠာဲဂတး ကွးဘာ၊ ပါ်ပရအ် သုတေသန ကောမ် ကုပရေင်ပံင်တောဲကမၠောန်တၞဟ်တအ်ရ။^[၅]^[၆]

အဓိပတိ (Chancellor) Ronald Elsenbaumer, တက္ကသိုလ်ပါဒူ သဟရးအမေရိကာန် (Purdue University of Fort Wayne, IN,USA) ကု အဓိပတိ ဒံက်တာ နာဲပညာမန် ၊ ကဝ်လိက်ကောန်ဂကူမန်၊ ထ္ပက်ဒၟံင် လိက်မတုပ်စိုတ် MoU ပ္ဍဲ သၞာံ ၂၀၂၄ နဝ်ဝေမ္ဗာ ၆

အစဳအဇန်ပညာ (ဘာသာမဗတောန်ဂမၠိုင်) သၞာံ ၂၀၂၂ - ၂၀၂၄)

Associate in Social Science
Associate in Teacher Education
Associate in Education Management
Associate in Mass Media and Journalism
Associate in Community Leasership and Management
Associate in Mon Literature and Cultural Studies^[၇]

စမြိုင်

စမြိုင်ဘာဇၞော်ဂှ် စသြိုင် နူဂိတုဒဳဇြေမ်ဗါ ၂၀၂၂။ ဒဳဇြေမ်ဗါ ၂၄ ဂှ် အခိင်ဂယးဂှ် ခမဳသင်တအ် ဖ္ဍောတ်ပရိုတ် သအးဇ္ၚး အရှာမ်ဘာတုဲ ဒဳဇြေမ်ဗါ ၂၅ အခိင်ဂယးဂှ် ကၠောန်သဘင်ဖျေဟ်ရိုဟ်ကၞက်ရ။ ဒံက်တာရတ်ညာဏ် ဂှ် ဒှ်အစာဓဇဲ (architet) စမြိုင်ဝွံရ။

နိဿဲ

↑ "MNEC to open Mon National College"၊ Than Lwin Times၊ May 23, 2022။
↑ ^၂.၀ ^၂.၁ ^၂.၂ ^၂.၃ "Mon National College Will Start Constructing in Coming December"၊ Than Lwin Times၊ November 21, 2022။
↑ ม.พายัพ MOU ความร่วมมือทางด้านการศึกษา. Open (February 8, 2024).
↑ " ကဝ်လိက်ကောန်ဂကူမန် ထ္ပက် MoU ကု တက္ကသိုလ် Payap သွက်ဂွံပံၚ်တောဲအာ သွာၚ်ပရေၚ်ပညာကဆံၚ်သၠုၚ်. Open (February 8, 2024).
↑ " မွန်အမျိုးသားကောလိပ်နှင့် အမေရိကန်နိုင်ငံ Purdue တက္ကသိုလ်တို့ နားလည်မှုစာချွန်လွှာ MoU လက်မှတ်ရေးထိုး. Open (November 7, 2024).
↑ "Mon National University and Purdue Fort Wayne sign memorandum of understanding" (in English)၊ November 7, 2024။ "Purdue University Fort Wayne Chancellor Ron Elsenbaumer signed a memorandum of understanding with Mon National University Chancellor Pon Nya Mon on Wednesday morning that was technically decades in the making. Fittingly, the event took place in the International Ballroom at Walb Student Union. Founded in 2022, Mon National College is located in Mawlamyine, Myanmar, and has an enrollment of 300 students. The Mon are an ethnic group and mostly live in the Mon state in Myanmar. Under the agreement, the two institutions will take part in student and faculty exchanges, shared research, and other collaborations, according to Mary Encabo Bischoff, Teaching English as a New Language program director and clinical assistant professor of linguistics. She and Shannon Bischoff, director of PFW’s Three Rivers Language Center in the School of Education, have worked with Fort Wayne’s Mon population for approximately 10 years, and with the Mon people in Myanmar and Thailand for the past five."
↑ " တင်ရန်တၟအ် ကေုာံ တင်ပတဝ်က္ဍိုပ် သိုင်ခၞံဒက်ပတိုန် ကဝ်လိက်ကောန်ဂကူမန် Vision and Mission of establishing Mon National College. Open (November 27, 2022).

[1] "MNEC to open Mon National College"၊ Than Lwin Times၊ May 23, 2022။

[than-2] ၂.၀ ^၂.၁ ^၂.၂ ^၂.၃ "Mon National College Will Start Constructing in Coming December"၊ Than Lwin Times၊ November 21, 2022။

[3] ม.พายัพ MOU ความร่วมมือทางด้านการศึกษา. Open (February 8, 2024).

[4] " ကဝ်လိက်ကောန်ဂကူမန် ထ္ပက် MoU ကု တက္ကသိုလ် Payap သွက်ဂွံပံၚ်တောဲအာ သွာၚ်ပရေၚ်ပညာကဆံၚ်သၠုၚ်. Open (February 8, 2024).

[5] " မွန်အမျိုးသားကောလိပ်နှင့် အမေရိကန်နိုင်ငံ Purdue တက္ကသိုလ်တို့ နားလည်မှုစာချွန်လွှာ MoU လက်မှတ်ရေးထိုး. Open (November 7, 2024).

[6] "Mon National University and Purdue Fort Wayne sign memorandum of understanding" (in English)၊ November 7, 2024။ "Purdue University Fort Wayne Chancellor Ron Elsenbaumer signed a memorandum of understanding with Mon National University Chancellor Pon Nya Mon on Wednesday morning that was technically decades in the making. Fittingly, the event took place in the International Ballroom at Walb Student Union. Founded in 2022, Mon National College is located in Mawlamyine, Myanmar, and has an enrollment of 300 students. The Mon are an ethnic group and mostly live in the Mon state in Myanmar. Under the agreement, the two institutions will take part in student and faculty exchanges, shared research, and other collaborations, according to Mary Encabo Bischoff, Teaching English as a New Language program director and clinical assistant professor of linguistics. She and Shannon Bischoff, director of PFW’s Three Rivers Language Center in the School of Education, have worked with Fort Wayne’s Mon population for approximately 10 years, and with the Mon people in Myanmar and Thailand for the past five."

[7] " တင်ရန်တၟအ် ကေုာံ တင်ပတဝ်က္ဍိုပ် သိုင်ခၞံဒက်ပတိုန် ကဝ်လိက်ကောန်ဂကူမန် Vision and Mission of establishing Mon National College. Open (November 27, 2022).

[၁]

[၂]

[၃]

[၄]

[၅]

[၆]

[၇]