ပံင်၊ ပွိုင်ဍုင်

ပွိုင်ဍုင်ပံင် (အၚ်္ဂလိက်: Paung Township) (Burmese: ပေါင်မြို့နယ်) ဂှ် ဒှ် ပွိုင်ဍုင်မွဲ မနွံ ပ္ဍဲခရိုင်သဓီု၊ တွဵုရးဍုင်မန်, ကၟိန်ဍုင်ဗၟာရ။ ပွိုင်ဍုင်ပံင်ဂှ် ဒက်ပ္တန်လဝ် နကဵု ဍုင်ၜါဍုင် ကွာန်ဗွဲမဂၠိုင်တုဲ ဍုင်ပံင်ဂှ် ဒှ်ဍုင် ဒတန်ရုင်သၟိင်တၠရ။ ပွိုင်ဍုင်ပံင်ဂှ် နွံကဵု ဂြိုပ်ဒဵု ကၠအ်ဗ္ၚဂၠိုင်ရ။

ပွိုင်ဍုင်ပံင်
ပွိုင်ဍုင်
Paung Township
ပွိုင်ဍုင်ပံင် ဒၞာဲဍုင်ပံင် မၞုံ
ဒတန်ဒၞး: 16.620996°N 97.459212°E / 16.620996; 97.459212
ကၟိန်ဍုင်	Myanmar
တွဵုရး	Monတွဵုရးဍုင်မန်
ခရိုင်	ခရိုင်သဓီု
ဒၞာဲအပိုင်အခြာ အခိင်	UTC+6.30 (အခိင်ကၟိန်ဍုင်ဗၟာ)

ဝင်

ပွိုင်ဍုင်ပံင်ဂှ် ခၞံဗဒှ်လဝ် နကဵု လလောင်တြး စၟတ် ၁၀၃/၃၄/ ကရေက် (၁) ပ္ဍဲစၟတ်တ္ၚဲ (၀၁ - ၀၇ - ၁၉၇၂) နူကဵု ဌာနဝန်ဇၞော်ကေင်ကာအပ္ဍဲဍုင်ရ။

ဒတန် ကေုာံ သမၠဲ

ပွိုင်ဍုင်ပံင်ဂှ် နွံ ပ္ဍဲလေတ္တဳတွဒ်သၟဝ်ကျာ အကြာ ၁၆ ဒဳဂရဳ၊ ၁၀ မိနေတ် ကဵု ၁၆ ဒဳဂရဳ ၄၈ မိနေတ်၊ ကဵု လံင်ဂျဳတွဒ်ဗမံက် အကြာ ၉၇ ဒဳဂရဳ ၁၆ မိနေတ် ကဵု ၉၇ ဒဳဂရဳ ၃၈ မိနေတ်။ သမၠဲပွိုင်ဍုင်ဂှ် ဗမံက် ကဵု ပလိုတ် နွံ ၂၁ တိုင်၊ သၠုင်ကျာ ကဵု သၟဝ်ကျာ နွံ ၃၀ တိုင်။ အလုံမွဲပွိုင်ဍုင်ပံင်မ္ဂး နွံ စတုရံတိုင် ၄၃၆.၇၅။ ပ္ဍဲဂှ် ဍုင်ပံင်ဂှ် နွံ ၂.၁၃ စတုရံတိုင်၊ တုဲ ဍုင်ဇိုင်ကျာ် ဂှ် နွံ ၁.၇၄ စတုရံတိုင်။

ပွိုင်ဍုင်ပံင်ဂှ် ပယျဵုဆက်ဒၟံင် ကု လပါ်ဗမံက်မ္ဂး ဒးပွိုင်ဘာအင်၊ တွဵုရးဍုင်ကရေင်၊ လပါ်သၠုင်ကျာ ဒးပွိုင်ဍုင်ၜါသွာင်၊ လပါ်ပလိုတ် ဒးမှာသၟိတ်မုတ္တမ သီုဖအိုတ် ကရောင်ပြင်ၜဳ နွံ ၂၂ တိုင်၊ လပါ်သၟဝ်ကျာ ဒးပွိုင်ဍုင်သဓီု ရ။

ပထဝဳ

တိ

ပ္ဍဲပွိုင်ဍုင်ပံင်ဝွံ ပါဲနူ ဒၞာဲကရောင်ဒဵုတုဲ ဒှ်ဒၞာဲတိဗလးအိုတ်ရ။ ဒဵုဇိုင်ကျာ်၊ ဒဵုဂလာၝောအ်(ကုလားမတောင်)၊ ဒဵုဗအ်ဂၠဴ (နွားလဘို့)၊ ဒဵုမတ္တမတအ်ဂှ် ကရောင်ဒၟံင် သၟဝ်ကျာ ကဵု သၠုင်ကျာအိုတ်ရ။ ပ္ဍဲပွိုင်ဍုင်ပံင်ဂှ် တကအ် သီုဖအိုတ် နွံ (၃) ကအ်၊ တကအ် မၞိဟ်မပဒတဴဂှ် နွံ (၁) တကအ်ရ။ ဗွဲသၟဟ် တိပွိုင်ဍုင်ပံင်ဂှ် နွံလတူ ဗလးၜဳ ၂၄ ပေတုဲ ဒၞာဲသၠုင်အိုတ်ဂှ် ဒှ်ကၞောတ်ဒဵုဇိုင်ကျာ် နွံ လတူဗလးၜဳ ၃၀၂၂ ပေ၊ ဒၞာဲသဝ်အိုတ်ဂှ် ပ္ဍဲဒေသကွာန် (အလှပ်)။

ဍာ်

ပွိုင်ဍုင်ပံင်ဝွံ နွံကြုင် ကြုင်ယင်ၚိန်၊ ကြုင်(ဘိုင်လောင်းချောင်း)၊ ကြုင်ခဒုင်သှ်ေ (ကဒုံစီးချောင်း)၊ ကြုင်တအ်ဂှ် ဇွောဝ်စှ်ေဒၟံင် နူဗမံက် စှ်ေလပါ်ပလိုတ်အိုတ်ရ။

ရာသဳဥတု

ပွိုင်ဍုင်ပံင်ဝွံ ဒှ်ဒေသဂမ္တဴတုဲ ဓါတ်ဂမ္တဴ သၠုင်အိုတ် စဵုကဵု ၃၈.၁C° နွံတုဲ သဝ်အိုတ်ဂှ် နွံ ၂၀.၀C° ရ။ ပွိုင်ဍုင်ပံင်ဝွံ အခိင်ကသီု ဒှ်ဒၞာဲ ဗြဲမဂူဂၠိုင်တုဲ ပွိုင်မွဲသၞာံ တ္ၚဲဗြဲမဂူ နွံအကြာ ၁၂၂ - ၁၃၆ တ္ၚဲတုဲ ဘဲဒဏ် ဗၠိုတ်ဍာ်ဂှ် မကလေပ် ကတဵုဒှ်စလေပ်ရ။ တုဲပၠန် လဗိုတ်ကျာလေဝ် ကတဵုဒှ်မာန်ကီုရ။ ပ္ဍဲသၞာံ ၂၀၁၉ ဂှ် တိလာ်တုဲ သ္ၚိ ၃၃ မလီု၊ ဘာလကျာ် ၄ မဒးဒုင်ဘဲကီုရ။

လၟိဟ်မၞိဟ်

ပွိုင်ဍုင်ပံင်ဂှ် ပ္ဍဲသၞာံ ၂၀၁၉ ဂှ် နွံလၟိဟ်မၞိဟ် ၂၆၂၃၅၃ တၠ။ ပ္ဍဲဂှ် ဂကူကချေင် ၂ တၠ၊ ဂကူကရေင်ဍာဲ ၆ တၠ၊ ဂကူကရေင် ၄၂၇၉၂ တၠ၊ ဂကူချေင် ၁ တၠ၊ ဂကူမန် ၈၄၂၄၁ တၠ၊ ဂကူဗၟာ ၁၀၉၀၉၂ တၠ၊ ဂကူယခေင် ၁၁ တၠ၊ ဂကူသေံ ၁ တၠ၊ ဂကူပအိုဝ် ၅၈၅၈ ဂကူသအာင် ဗီုကဵု ကြုက်ဂလာ ၂၀၃၄၉ တၠရ။ နကဵုတၟအ်ကၠံမ္ဂး ဂကူမန် နွံ ၃၁.၀၉%၊ ဂကူဗၟာဂှ် နွံ ၄၁.၅၆%၊ ဂကူပအိုဝ် နွံ ၂.၂၃%၊ ဂကူသအာင် နွံ ၇.၇၅%။ မၞိဟ် ၆၀၅၇၁ ဂှ် ပဒတဴ လတူဍုင်တုဲ မၞိဟ် ၂၀၁၉၄၁ ဂှ် မံင်ပ္ဍဲကွာန်။ မၞိဟ် ၂၄၁၁၀၂ ဂှ် ရှ်ေသှ်ေဗုဒ္ဓဘာသာ၊ မၞိဟ် ၈၁၀ ခရေတ်ယာန်၊ ၁၁၇၈၄ ဟိန္ဒူ၊ ၈၈၁၆ အေတ်သလာမ်။

ပရေင်ပိုန်ဒြပ်

အဓိက ပရေင်ပိုန်ဒြပ် မၞိဟ်ပ္ဍဲပွိုင်ဍုင်ပံင်ဂှ် ဒှ်ကမၠောန်ဗ္ၚ၊ တဵုလွဳရ။ ကမၠောန်တဵုလွဳဂၠိုင်အိုတ်ဂှ် ခၜိုတ်ရဝ်ပါ၊ သတ်၊ ကေုာံ သတ်ဆုနာနာ။ သၞာံ ၂၀၁၈-၂၀၁၉ ဂှ် တိဗ္ၚ နွံ ၁၂၉၃၁၃ ဨက၊ ဂှ် တိတဵုသြောအ်ကသီု နွံ ၁၂၆၉၉၅ ဨက ဂှ် သြောအ်တိတ် ၜိုတ် ၈၁၁၄၃၃၀ န၊၊ တိတဵုသြောအ်ကသီု နွံ ၈၀၂၅ ဨကဂှ် သြောအ်တိတ် ၁၆၅၈၉၉၇ န။ ပါဲနူဂှ် တိတဵုမၜဲ နွံ ၇၀၀ ဨက ၜဲတိတ် ၜိုတ် ၅၁၃၅၆ န။ တိတဵုလ္ၚဴ နွံ ၁၉၈ ဨကဂှ် လ္ၚဴတိတ် ၂၃၈၃ န။ တိကၠအ် နွံ ၂၂၈၉၀ ဨကဂှ် တဵုလဝ် ကြုက် ၇၇၁ ဨက၊ တၞံပရိုက် ပၞဴ၊ ၁၈ ဨက၊ သဳလဴ ဂှ် ၆၃ ဨက၊ ဒူရေန် ၉၇၇ ဨက၊ သိင်္ဃိုရ် ၄၁၅ ဨက၊ ပဒဝ် ဂှ် ၃၃ ဨက၊ မင်ဂၠန် ၈ ဨက၊ သတ် ကေုာံ ဆုတၞဟ်ဂှ် ၉၇၂၉ ဨက။ ကၠအ် လက်ဖက် နွံ ၁၅ ဨက၊ ကၠအ်မြေက်ခမိဟ် ၁၆၄၉ ဨက၊ ကၠအ်မြေက် ၇၁၄ ဨက၊ ကၠအ်သၞေဝ် ၆၅၅၈ ဨက။

ပရေင်ပလံင်ဗစိုပ်

ပ္ဍဲပွိုင်ဍုင်ပံင်ဝွံ တရဴကျာ၊ တရဴဍာ် သၞေဟ်က္ၜင် ဟွံမဲ။ နကဵု တရဴတိုက်ဂှ် သၞေဟ်ကွဳပၟတ် မတ်မလီု-လ္ဂုင် နွံရ။ တရဴတိုက် နကဵု ကွဳစက်ဂှ် လ္ဂုင်-မတ်မလီု၊ ပံင်-ဝါကပိုအ်၊ ကွဳစက်ဇမ္ၚောဲ လ္ဂုင်-ဗိက်၊ လေဝ် နွံကီုရ။

ဍုင် ကေုာံ ကွာန် ပ္ဍဲ ပွိုင်ဍုင်ပံင်ဂမၠိုင်

ပွိုင်ဍုင်ပံင်ဂှ် ဒက်ပတန်လဝ် နကဵု ဍုင် (၂)၊ အရာပ် (၈)၊ ကွာန် ၄၉၊ သီုဖအိုတ် နွံ ၁၅၅ ရ။

ဍုင်

1. ဍုင်ပံင်
2. ဍုင်ဇိုင်ကျာ်

ကွာန်

ပလိုင်တၟအ် (ကျောက်ရေတွင်း) (မြလေးချောင်) ယင်ၚိန် သၟဝ်ကျာ (ရင်းငြိမ် မြောက်) ယင်ၚိန် သၠုင်ကျာ (ရင်းငြိမ် တောင်) (အင်းပြောင်) ကဍာ် (ကတိုက်) (သဲအိမ်) ဝါကပိုဟ်ဍောတ် (ထန်းပင်ချောင်လေး) (ကော့ကဒိုက်) (ဖြူဘ) (ကျုံဟော်) (ညောင်ကုန်းကြီး) (ကတွန်) (ပန်းကုန်း) (နတ်မှော်) (အီဗြစ်) (ဆင်ရွာ) (တပ်မှူးချောင်) (သဲကုန်း) (ဖလပ်) (မှော်ဘီ) (အုံးတပင်) (ဥတ္တတား) ကြုင်က (ကျုံက)

(ကျောက်စရစ်) (ကမာဘီ) (လက်ပံတော) (လက်ပံကျွန်း) (ဘန့်ဘွေးကုန်း) ဝါကပိုဟ်ဇၞော်(ထန်းပင်ချောင်ကြီး) ခရိုင်ပြေင် (ကျွဲခြံ) (နတ်ကြီးချောင်း) (ညောင်ကုန်းလေး) (ကျခပ်ငူ) (သပြေကုန်း) (အဟောက်) ကအ်ထဝ် (ကော့ထော်) (သဲဖြူကုန်း) (ကဒိုင်) (ဥက္ကံ) (ကဒိုင်) (ဒရိန်း) (ကျားဘို) ကအ်ကရေင် (ကော့ကရင်) မုတ္တမ ဒဵုကင် (ဒေးကင်း) (ဝဲပတန်) (အလှပ်)