ပြၚ်ဂြးဗ္တဳ (ပြၚ်ၜဳပါၚ်မ္ၚဵု ပွိုၚ်ဍုၚ်ရေဝ်သၠုၚ်ကျာ)
ပြၚ်ဂြးဗ္တဳ (ပြၚ်ၜဳပါၚ်မ္ၚဵု) ဝွံ နွံပွိုၚ်ဍုၚ်ရေဝ်သၠုၚ်ကျာ ဂကောံကွာန်ပါၚ်မ္ၚဵု တွဵုရးဍုၚ်မန် လၟုဟ်ကော်(ပွိုၚ်ဍုၚ်ခေါဇာ)
| ပြၚ်ဂြးဗ္တဳ (ပြၚ်ၜဳပါၚ်မ္ၚဵု) | |
|---|---|
| ပြၚ်ဗ္တဳ | |
  ပြၚ်ဂြးဗ္တဳ (ပြၚ်ၜဳပါၚ်မ္ၚဵု) ဒၞာဲပြၚ်ဂြးဗ္တဳမၞုံ | |
| ဒတန်ဒၞး: 15°04′44″N 97°47′53″E / 15.078804°N 97.79797087°Eဒတန်: 15°04′44″N 97°47′53″E / 15.078804°N 97.79797087°E | |
| ကၟိန်ဍုင် |
 Myanmar |
| တွဵုရး |
 Monတွဵုရးဍုင်မန် |
| ခရိုင် | ခရိုင်မတ်မလီု |
| ပွိုင်ဍုင် | ပွိုင်ဍုင်ရေဝ်သၠုၚ်ကျာ (လၟုဟ်−ပွိုၚ်ဍုၚ်ခေါဇာ) |
| ဒၞာဲအပိုင်အခြာ အခိင် | UTC+6.30 (အခိင်ကၟိန်ဍုင်ဗၟာ) |
ဝၚ်ပြၚ်ဗ္တဳ ပလေဝ်ဒါန်
ပြၚ်ဂြးဗ္တဳ (ပြၚ်ၜဳပါၚ်မ္ၚဵု)ဝွံ ဒှ်ပြၚ်ဗ္တဳဟလိၚ် ဇမၠိၚ်နွံၜိုတ်ပိတိုၚ်စိုပ်ပန်တိုၚ်နွံတုဲ ယဝ်ပတုပ်ကဵုပြၚ်ဍောတ်ကွာန်ပါၚ်ယၚ်ဒိန်ကီု သီုပြၚ်ဗ္တဳဝါဟလိၚ်ဂှ်တှ်ေ ပြၚ်ဂြးဗ္တဳဏံဝွံ နွံဂၠိၚ်အိုတ်ရ၊ လဆောဝ်တှ်ေ အခိၚ်ကွာ်တရဴညးဒေသတံ အဃောမကွာ်အာလ္တူဗလးသြၚ်ဗ္တဳဝွံမ္ဂး ဇိုၚ်လေဝ်တူ ဗ္တဳဇြောတ်ဂၞက်ဇိုၚ်ဂှ် ကွာ်အာကၠုၚ်အလအ်ဂွံဒးသုၚ်စောဲအခိၚ်သီုတ္ၚဲကတူသီုတ္ၚဲကာတ်တုဲ သာ်ဝွံဟေၚ် ညးဒေသတံ ကော်စဒၟံၚ်(ဂြးဗ္တဳ) တုပ်သၟဟ်ခရးဗ္တဳစံက်ဗ္တဳတုဲ ညးဒေသတြေမ်တြေမ်တံကော်မံၚ်ဂြးဗ္တဳလေဝ်ဒှ်မာန်၊ ပစ္စုပ္ပန်လၟုဟ်ဝွံတှ်ေ ပြၚ်ၜဳပါၚ်မ္ၚဵုဟေၚ် ကော်ဒၟံၚ်အိုတ်ရ။
ပွဳပွူသဘာဝ ပလေဝ်ဒါန်
ဒှ်ပြၚ်ဗ္တဳဇမၠိၚ်ခိုဟ်မွဲတုဲ မဗ္တဳနွံဗုတ်ၜတ်ကွေံလောန်၊ ပြၚ်ဗ္တဳဝွံလေဝ် မွဲမွဲသၞာံကၞဟ်တိုန်ဖျေံခၟာဲနူစှ်ၝောံစဵုကဵုစိုပ်ၜါပိစှော်ၝောံနွံရ၊ လ္တူပြၚ်ဗ္တဳလုပ်စိုပ်ဂြိုပ်ပၠန် ဆက်မံၚ်ကဵုဍာန်ကွဳစက်ကာနူပိသွာၚ်ပါၚ်ယၚ်ဒိန်ကဵုကွာန်ပါၚ်မ္ၚဵုရ၊ နူစသၞာံခရေတ် (2015) လပါ်လ္တူဂှ် ပရေၚ်အာကၠုၚ်ဍာန်တပ်ခိုဟ်တုဲ ဒၞာဲဝေၚ်ဍာ်ပြၚ်ၜဳပါၚ်မ္ၚဵု(ကဗျာဝ)ဝွံလေဝ် ယၟုမြဟ်အာအလုံမွဲကၟိုန်ဍုၚ်မြန်မာ ဒှ်ဒၞာဲဇူဒီုကာယဝေၚ်ဍာ်ဖ္ဍုၚ်ဂ္ဇံသုၚ်ဍာ်သတ်ဗြဴမောဝ်မောဝ်ဇိုၚ်သြၚ်ပြၚ်ၜဳခိုဟ်မွဲဒၞာဲဒေသရေဝ်သၠုၚ်ကျာ၊ လ္တူပြၚ်ဗ္တဳဇိုၚ်ဂြိုပ်ဝွံပၠန် နွံတၞံခရဲတပ်ညဳဇဳရေၚ်မွဲဒမြိပ်ပြၚ်ဗ္တဳဂှ်ရ။
ပြၚ်ဗ္တဳကေုာံကွာန်ဆက်ဂမၠိုၚ် ပလေဝ်ဒါန်
လပါ်ဒိုဟ်ဗၟံက်ဂှ် နွံဍာန်ကာ (ဍာန်ကာတ်တရာ,ကွဳစက်ကာ) နူပိသွာၚ်ကွာန်ပါၚ်ယၚ်ဒိန်စဵုစိုပ်ပြၚ်ဗ္တဳပါၚ်မ္ၚဵုကေုာံကွာန်ပါၚ်မ္ၚဵု၊ မွဲအဆက်ဗၟံက်တပ်တပ်ပၠန် နွံဝါဇၞော်ဂကောံကွာန်မ္ၚဵုဇၞော်တံနွံဂၠိုၚ်ကဵုလ္ၚီဨကန်တုဲ ကော်စ(ဝါဇၞော်)အိုတ်ဒေသရေဝ်သၠုၚ်ကျာမွဲဒၞာဲရ၊ တုဲပၠန်စိုပ်ဍာန်ကွဳစက်ကာဍုၚ်ခေါဇာကဵုရေဝ်၊ ပြၚ်ဂြးဗ္တဳ (ပြၚ်ၜဳပါၚ်မ္ၚဵု)ဝွံ နွံလဒေါဝ်အကြာကျာ်စေတဳကြုၚ်စၠန်ကဵုကွာန်ပါၚ်မ္ၚဵု။
လပါ်ဒိုဟ်သၟဝ်ကျာဂှ် ပြၚ်ဍောတ်ကွာန်ပါၚ်ယၚ်ဒိန်၊ ဝါဟလိၚ် (ပြၚ်ဗ္တဳဝါဟလိၚ်)၊ ဂွံဆဵုတ္ကံကၠဵု၊ လပါ်ဒိုဟ်ပလိုတ်ပၠန် တ္ကံကၠဵုလေဝ်ဂွံဆဵု တ္ကံဇၞော်လေဝ်ညာတ်ကၠးမံၚ်၊ လပါ်ဒိုဟ်သၠုၚ်ကျာဂှ်ပၠန် ဂွံဆဵုကေုာံကွာန်သၞေဟ်ဓမၚ်တမ္ၚာကွာန်ကြုက်ထံၚ်မာန်၊ နူအဆက်ဂှ်ပၠန် ကွာန်မန်ဆက်ဆက်နွံတဴဗွဲမဂၠိုၚ်။
ဗီုရုပ် ပလေဝ်ဒါန်
နိဿဲ ပလေဝ်ဒါန်
ကဗျာဝကမ်းခြေ သဘာဝပတ်ဝန်းကျင်သန့်ရှင်းရေးနှင့်ထိန်းသိမ်းရေးကော်မတီဖွဲ့စည် [၁]
- ↑ Place codes (Pcodes). Myanmar Information Management Unit (June 2020).