မုဟ်ဍုင်၊ ပွိုင်ဍုင်
ပွိုင်ဍုင်မုဟ်ဍုင် (အၚ်္ဂလိက်: Mudon Township) (Burmese: မုဒုံမြို့နယ်) ဝွံ ဒှ်ပွိုင်ဍုင် မနွံ ပ္ဍဲခရိုင်မတ်မလီု၊ ပ္ဍဲ တွဵုရးဍုင်မန်၊ ကၟိန်ဍုင်ဗၟာတုဲ ဒတန်ရုင်သၟိင်ပွိုင်ဍုင်ဂှ် နွံပ္ဍဲ ဍုင်မုဟ်ဍုင်ရ။ ပွိုင်ဍုင်မုဟ်ဍုင်ဂှ် ဒက်ပ္တန်လဝ် နကဵု ဍုင် (၂) ဍုင်၊ အရာပ် (၉) ဂကောံကွာန် (၃၃)၊ ကွာန် (၅၀) ရ။[၂]:2
| ပွိုင်ဍုင်မုဟ်ဍုင် | |
|---|---|
| ပွိုင်ဍုင် | |
| Mudon Township | |
  ပွိုင်ဍုင်မုဟ်ဍုင် ဒၞာဲ ဍုင်မုဟ်ဍုင် မနွံ | |
| ဒတန်ဒၞး: 16°15′28″N 97°43′44″E / 16.257855°N 97.728774°Eဒတန်: 16°15′28″N 97°43′44″E / 16.257855°N 97.728774°E | |
| ဍုင် |
 Myanmar |
| တွဵုရး | တွဵုရးဍုင်မန် |
| ခရိုင် | ခရိုင်မတ်မလီု |
| ဍုင် ဒတန်ရုင်သၟိင်ပွိုင်ဍုင် | ဍုင်မုဟ်ဍုင် |
| လၟိဟ်မၞိဟ်(၂၀၁၄) | ၁၉၀,၇၃၇[၁] |
| ဒၞာဲအပိုင်အခြာ အခိင် | UTC+6:30 |
ဒတန် ကေုာံ သမၠဲ
ပလေဝ်ဒါန်ပွိုင်ဍုင်မုဟ်ဍုင်ဂှ် နွံပ္ဍဲ ဍုင်ဗၟာ လပါ်သၠုင်ကျာ၊ ခရိုင်မတ်မလီု။ ပွိုင်ဍုင်မုဟ်ဍုင်ဂှ် တန်တဴဒၟံင် ပ္ဍဲကဵု လေတ္တဳတွဒ်သမၠုင်ကျာ အကြာ ၁၅ ဒဳဂရဳ ၅၇ မိနေတ် ကဵု ၁၆ ဒဳဂရဳ ၂၅ မိနေတ်၊ လံင်ဂျဳတွဒ်ဗမံက် အကြာ ၉၇ ဒဳဂရဳ ၃၅ မိနေတ် ကဵု ၉၇ ဒဳဂရဳ ၅၃ မိနေတ်ရ။ သမၠဲပွိုင်ဍုင်ဂှ် နွံ ၃၁၄.၆၉ စတုရံတိုင်တုဲ ဍုင်ကၟာဝက်ဂှ် သမၠဲနွံ ၂၂.၄၄ စတုရံတိုင်ရ။ ပွိုင်ဍုင်မုဟ်ဍုင်ဂှ် ပယျဵုဆက်ဗွဲကဵု ဒိုဟ်ဗမံက် စုက်ပွိုင်ဍုင်ကျာ်မြဟ်၊ ဗွဲဒိုဟ်ပလိုတ် စုက် ပွိုင်ဍုင်ၜါသွာင်၊ ဗွဲဒိုဟ်သၠုင်ကျာ စုက်ပွိုင်ဍုင်ဇြပ်ဗု၊ ဗွဲဒိုဟ်သၟဝ်ကျာ စုက်ပွိုင်ဍုင်မတ်မလီု။ [၂]:2
ပထဝဳ
ပလေဝ်ဒါန်တိ
ပလေဝ်ဒါန်တိဍာ် ပွိုင်ဍုင်မုဟ်ဍုင်ဂှ် နူဗမံက် သဝ်စှ်ေသိုက်က် လပါ်ပလိုတ်တုဲ ကွာန်ဂမၠိုင်ဂှ် နွံပ္ဍဲဒၞာဲဗလးအိုတ်ရ။ ဗလးတိ ပွိုင်ဍုင်မုဟ်ဍုင်ဂှ် နွံသမၠုင်နူ ဗလးၜဳ ဗွဲသၟဟ် ၃၁ ပေ၊ တုဲ ဒၞာဲသၠုင်အိုတ်ဂှ် ဒှ်က္ဍဟ်ဒဵု ကျာ်တၟအ် မနွံဗမံက် ဍုင်ကၟာဝက် သမၠုင်နွံ ၁၈၇၅ ပေ ရ။ ဒၞာဲမၞိဟ်မံင် သၠုင်အိုတ်ဂှ် နွံပ္ဍဲမုဟ်ဍုင် အရာပ်(၄) တုဲ ဒၞာဲသဝ်အိုတ်ဂှ် ဒှ်ကွာန်ကြုင်ကင် (ကင်းချောင်း) မဒှ်ရကွာန် မကြပ်ကဵု ၜဳဇၞော်ရ။[၂]:2-3
ဍာ်
ပလေဝ်ဒါန်ပ္ဍဲပွိုင်ဍုင်မုဟ်ဍုင်ဝွံ နွံကဵု ကြုင်/ၜဳဂမၠိုင်ရ။ ကြုင်/ၜဳတအ်ဂှ် နူဗမံက် ဇွောဝ်စှ်ေ လပါ်ပလိုတ်အိုတ်ရ။ ကြုင်တအ်ဂှ် ကြုင်ဝါကလိ၊ ကြုင်ကၟာ(?) (ကမာပတဲချောင်း)၊ ကြုင်အစေန် (အဇင်းချောင်း)၊ ကြုင်ဖါက် (ကျုံဖိုက်ချောင်း)၊ ကြုင်ဝင်ဖနုင် (ဝင်းဖနုံချောင်း)။[၂]:2
ရာသဳဥတု
ပလေဝ်ဒါန်ပွိုင်ဍုင်မုဟ်ဍုင်ဂှ် ဒှ်ဒေသဂမ္တဴမွဲတုဲ အခိင်ကညင် ကတဴအိုတ် ဂမ္တဴ စိုပ်စဵု ၃၈.၄C° တုဲ အခိင်ဂံက် ဂမ္တဴသဝ်အိုတ် နွံ ၁၄.၈C° ရ။ ပ္ဍဲသၞာံ ၂၀၁၈ဂှ် လၟိဟ်တ္ၚဲ ဗြဲမဂူ ပွိုင်မွဲသၞာံ နွံ (၁၂၀) တ္ၚဲတုဲ လၟိဟ်လယိုင်ဍာ်ဗြဲ နွံ ၂၂၉,၅၇ ၝောအ်တဲရ။ [၂]:3
လၟိဟ်မၞိဟ်
ပလေဝ်ဒါန်အတိုင်စရင်လၟိဟ်မၞိဟ်သၞာံ ၂၀၁၉ မ္ဂး ပ္ဍဲပွိုင်ဍုင်မုဟ်ဍုင်ဂှ် မၞိဟ်နွံ ၁၈၈၇၈၆ တၠ။ ပ္ဍဲဂှ် ဂကူကချင် ၁၄ တၠ၊ ဂကူကရေင်ဍာဲ ၆ တၠ၊ ဂကူကရေင် ၉၃၅ တၠ၊ ဂကူချေင် ၁၀ တၠ၊ ဂကူမန် ၁၆၂၃၈၈ တၠ၊ ဂကူဗၟာ ၂၁၈၂၅ တၠ၊ ဂကူယခေင် ၄၂ တၠ၊ ဂကူသေံ ၅၇ တၠ၊ ဂကူကြုက်မစာတ် ၅၆၇ တၠ၊ ဂလာမစာတ် ၂၉၄၂ တၠ ရ။ မၞိဟ် ၇၈၃၂၄ ဂှ် ပဒတဴ လတူဍုင်တုဲ သၟေဟ်တအ်ဂှ် ပဒတဴ ပ္ဍဲကွာန်ဂမၠိုင်ရ။ မၞိဟ်ရှ်ေသှ်ေဗုဒ္ဓဘာသာဂှ် နွံ ၁၈၅၄၉၃ တၠ၊ ခရေတ်ယာန် ၃၅၄ တၠ၊ ဟိန္ဒူ ၈၆၇ တၠ၊ အေတ်သလာမ် ၂၀၇၅ တၠ။[၂]:4-5
ပရေင်ပိုန်ဒြပ်
ပလေဝ်ဒါန်မၞိဟ်ဗွဲမဂၠိုင် ပ္ဍဲပွိုင်ဍုင်မုဟ်ဍုင်ဂှ် ကၠောန်ကမၠောန်ဗ္ၚ ကေုာံ ဂူဂၠိုင်ရ။ တိဗ္ၚ မတဵုသြောအ် နွံ ၇၆၁၄၄ ဨက၊ တိကၠအ် နွံ ၃၅၂၈၁ ဨက၊ တိကရး (တဵုကၞိ) နွံ ၃၂၀၀ ဨက။ တိဗ္ၚ ၃၂၆၂ ဨကဂှ် ဟွံတဵုသြောအ်။ ပါဲနူ တၞံခၜိုတ်တုဲ ကၠအ်သတ်ဗြဴကၠေင် နွံ ၅၆ ဨက၊ ကၠအ်မြေက်ခမိဟ် နွံ ၃၀၉၀ ဨက၊ ကၠအ်သတ် နွံ ၁၀၇ ဨက၊ ကၠအ်သတ်ဗြဴ ၆၀၀ ဨက၊ ကၠအ်ၜဴ နွံ ၃၅ ဨက။[၂]:9-11
ပရေင်ပလံင်ဗစိုပ်
ပလေဝ်ဒါန်တရဴကျာ၊ တရဴဍာ် ပ္ဍဲပွိုင်ဍုင်မုဟ်ဍုင် ဟွံမဲ၊ တုဲ တရဴတိုက် နွံဂၠံင်ကွဳပၟတ် မဒြေပ်ဒၟံင် မတ်မလီု-ရေဝ်။ ကွဳစက်ဂမၠိုင် မဒြေပ်အာ မုဟ်ဍုင်-မတ်မလီု၊ မတ်မလီု-ဇြပ်ဗု၊ မုဟ်ဍုင်-လှာဒကှ်တအ် နွံရ။[၂]:18
ဍုင် ကေုာံ ကွာန် ပ္ဍဲ ပွိုင်ဍုင်မုဟ်ဍုင်
ပလေဝ်ဒါန်ပွိုင်ဍုင်မုဟ်ဍုင်ဝွံ ဒက်ပတန်လဝ် နကဵု နကဵု ဍုင် (၂) ဍုင်၊ အရာပ် (၉) ဂကောံကွာန် (၃၃)၊ ကွာန် (၅၀) ရ။
ဍုင်
ပလေဝ်ဒါန်- ဍုင်မုဟ်ဍုင်
- ဍုင်ကၟာဝက် ရးဇြာ
ကွာန်
ပလေဝ်ဒါန်
|
|
နိဿဲ
ပလေဝ်ဒါန်- ↑ (မေ ၂၀၁၅) သန်းခေါင်စာရင်း အစီရင်ခံစာ, ၂၀၁၄ ခုနှစ် လူဦးရေနှင့် အိမ်ထောင်စု သန်းခေါင်စာရင်း အစီရင်ခံစာ အတွဲ-၂. နေပြည်တော်: လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန, ၅၉။
- ↑ ၂.၀ ၂.၁ ၂.၂ ၂.၃ ၂.၄ ၂.၅ ၂.၆ ၂.၇ မုဒုံမြို့နယ် အထွေထွေအုပ်ချုပ်ရေးဦးစီးဌာန (September 2019). ရေးမြို့နယ် ဒေသဆိုင်ရာ အချက်အလက်များ။