လှာၜိုပ် နာဲခွေ မိယုင်၊ ပွိုင်ဍုင်ဇြပ်ဗု
ကွာန်နာဲခွေ မိယုင်(အၚ်္ဂလိက်: Yetagon၊ ဗၟာ: ရဲတံခွန်)ဂှ် နွံ ပ္ဍဲ တွဵုရးဍုင်မန်၊ ခရိုင်မတ်မလီု၊ ပွိုင်ဍုင်ဇြပ်ဗု၊ ဂကောံကွာန်ဗဒိုပ်ဇၞော်၊ ကွာန်ဝွံ သေဋ္ဌဳမန်သမ္ဘာကဵုတၠသ္ၚိ နာဲခွေ ကဵု မိယုင် (ဦးခွေး ဒေါ်ယိမ်း) တိကၠအ်ညး ၉၀ ဨကဂှ် ပါ်ကရေက် မွဲဂအာင် အနာံ ၃၅x၇၀ပေ တုဲ ကဵုဒါန် ကုညးမနွံကဵု ဘဝသ္ၚိကၟိန်၊ ဟွံကလိဂွံ ဂအာင်သ္ၚိဏီ၊ ဂကူ၊ ဘာသာ ဟွံရုဲ ကဵုစရင်တုဲ ကဵုကံက်မာဲရ။ အတိုင်ညးမလလောင်တြးလဝ်မ္ဂး ကုညးမပဒတဴလဝ် ပ္ဍဲကွာန်တၟိဂှ် ပေင် ၁၀ သၞာံတုဲ ညးပတိတ်ကဵု အခေါင်ပိုင် တိဂှ်ရ။ ပ္ဍဲကဵု တိ ၉၀ ဨကဂှ် ပါဲထောအ် ဒၞာဲပတန်ကျာ်၊ သြိုင်ဘာတအ်တုဲ သီုဖအိုတ် နွံ ၉၀၀ ဂအာင်ရ။[၁][၂][၃]
| ကွာန်နာဲခွေ မိယုင် | |
|---|---|
| ကွာန် | |
  ကွာန်နာဲခွေ မိယုင် ဒၞာဲကွာန်နာဲခွေ မိယုင် မၞုံ | |
| ဒတန်ဒၞး: 15°49′10″N 97°49′20″E / 15.81931°N 97.822181°Eဒတန်: 15°49′10″N 97°49′20″E / 15.81931°N 97.822181°E | |
| ကၟိန်ဍုင် |
 Myanmar |
| တွဵုရး |
 Monတွဵုရးဍုင်မန် |
| ခရိုင် | ခရိုင်မတ်မလီု |
| ပွိုင်ဍုင် | ပွိုင်ဍုင်ဇြပ်ဗု |
| ဒၞာဲအပိုင်အခြာ အခိင် | UTC+6.30 (အခိင်ကၟိန်ဍုင်ဗၟာ) |
ပတန်တၟိ
ပလေဝ်ဒါန်ကွာန်နာဲခွေ မိယုင်ဝွံ သေဋ္ဌဳမန် နာဲခွေ ကဵု မိယိင် (ဦးခွေး၊ ဒေါ်ယိမ်း) ညးမပဒတဴ ပ္ဍဲသ္ၚိဂၞန် မ/၅၉၊ ဂၠံင်အံင်သာန်၊ အရာပ်အံင်မင်္ဂလ၊ ဍုင်ဇြပ်ဗု တိကၠအ်ဇကု ၈၀ ဨကဂှ် ဗဒှ်ကွာန်တုဲ ကဵုလဝ်ဒါန်ရ။[၁] သၞာံ ၂၀၂၁ ဂိတုဇာန်နဝါရဳဂှ် ကၠောန်လိက်ဒကုတ်တုဲ လလောင်တြးလဝ် နကဵုဘာသာဗၟာ
| “ | အသိပေးကြေညာချက်၊ ဦးခွေး +(ဒေါ်ယိမ်း)မိသားစုမှ အိမ်ခြံမြေမရှိသေးသူများကို သံဖြူဇရပ်-ဘုရားသုံးဆူလမ်းရှိ မြေနေရာတွင် ရွာတည်၍ လူနေထိုင်ရန်အတွက် မြေကွက်များ လှူဒါန်းမည် ဖြစ်ပါ၍ အောက်ပါလိပ်စာတွင် (လူမျိုး/ဘာသာမရွေး) လူကိုယ်တိုင် လာရောက်လျှောက်ထားနိုင်ပါသည်။ လိပ်စာ -မ/၅၉၊ အောင်ဆန်းလမ်း၊ အောင်မင်္ဂလာရပ်ကွက်၊ သံဖြူဇရပ်မြို့ ဖုန့် - 09 979753331, Dr.တင့်အောင်စိုး 09 967011553 [၄] | ” |
ဗွဲကြဴ အတိုင်နာဲဂျုင် မလဴထ္ၜး ကုနာဲဇာတိနာဲ ပ္ဍဲစၟတ်တ္ၚဲ ၄၊ ၁၁၊ ၂၀၂၁ ဂှ် လဴထ္ၜး နကဵု သေဋ္ဌဳနာဲခွေ မိယိင် ကဵုလဝ်ဒါန်တိ သီုဖအိုတ် တိၜိုတ် ၉၀ ဨက တုဲ ဂအာင်သ္ၚိ နွံ ၁၁၈၅၊ ပ္ဍဲဂှ် ဂအာင်သ္ၚိဂကူမန် မကလိဂွံလဝ် နွံ ၜိုတ် ၇၀၀၊ ဂကူဗၟာ နွံ ၄၅၀ ဂအာင်၊ သၟေဟ်ဂှ် ဂကူကရေင်၊ ဂကူဂလာတအ်လေဝ် နွံကီုရ။ ပ္ဍဲကဵုကွာန်ဂှ် ဒက်ပတန်လဝ် ကျာ်စေတဳမွဲတၞုင်၊ ဘာလကျာ်ၜါဘာ၊ မွဲဘာဂှ် ကျာ်ဇၞော်အစာပုပ္ဖရမ္မ ဘာဒဵုတၟအ်ဗြာတ်ကၠုင်ပတန်တုဲ မွဲဘာပၠန်ဂှ် တၠဂုဏ်အစာဓိမေက္ခ နူကွာန်ဒဵုထောင်မွဲဘာ။ လၟိဟ်ဂအာင်သ္ၚိ ၁၁၈၅၊ ပ္ဍဲဂှ် ဂကူမန် နွံၜိုတ် ၇၀၀၊ ဂကူဗၟာ နွံၜိုတ် ၄၅၀ သၟေဟ်နူဂှ် ဂကူဂလာ၊ ဂကူကရေင်တအ်လေဝ် နွံကီုရ။ ဟိုတ်နူ ယဲကပ်ကဝ်ဝိဒ်-၁၉ တုဲ ပရေင်သြိုင်ခၞံသ္ၚိတအ်ဂှ်လေဝ် လ္ဇုဲလ္ဇအာနွံညိကီုရ။[၅]
ဘာကျာ်လှာၜိုပ်
ပလေဝ်ဒါန်ဘာလကျာ် ကေုာံ ကျာ်စေတဳ မကဵုလဝ်ယၟု ဘာကျာ်လှာၜိုပ်ဂှ် တၠဂုဏ်အစာဘဒ္ဒန္တပုပ္ဖရမ္မ အာဂတပၠတရဴတုဲ ဒါယကာ နာဲခွေ (မိယိင်/မိယုင်) ကဵုလဝ်ဒါန်ရ။ ကျာ်စေတဳဂှ် ပ္ဍဲသၞာံ ၂၀၂၁ ဂိတုနဝ်ဝေမ်ဗါ ၁၇ (သက္ကရာဇ် ၁၃၈၃ ဂိတုကထိုန် ၁၄ မမံက်) ဂှ် ကၠောန်သဘင်လဇံက်စလံင်ၝောအ်ကိုဋ် (သဘင်ပတိုန်က္ဍိုင်ကျာ်)။[၆][၇]
ကမ္မတဳသွက်ဂွံသြိုင်ခၞံ ဘာကောန်ဂကူမန်
ပလေဝ်ဒါန်သၞာံ ၂၀၂၃ ဂိတုမာတ် ၂၃ တ္ၚဲဗြဴဗ္တိ အခိင်လဒေါဝ်တ္ၚဲ ၁၁း၄၅ ဂှ် တုပ်စိုတ် ရေင်သကအ် သွက်ဂွံ သြိုင်ခၞံ ဘာကောန်ဂကူမန် ကွာန်လှာၜိုပ် နာဲခွေမိယုင်မွဲရ။ နာဲအစာမန်သိင်အံင် ဒှ်မၞိဟ်မကဵုအခေါင် တိဂအာင် သွက်ဂွံသြိုင်ဘာကောန်ဂကူမန်။ ဂကောံဂှ် ဒက်ပ္တန်လဝ် အတိုင်ဗွဲသၟဝ်ဝွံရ။[၈]
ဂကောံနာယက
- နာဲမေတ်၊
- နာဲအောင်သိန်
- နာဲလျးထဝ်
- ဥက္ကဋ္ဌ နာဲစေတနာဟံသာ
- ဒုဥက္ကဋ္ဌ နာဲချေတ်
- ညးအုပ်ကာနာနာ နာဲဗညာဂံင်သာဲ
- သကိုပ်ဘဏ္ဍာ နာဲညဳညဳ၊ နာဲဘာဲ
- ညးမရပ်စရင် နာဲသိုက်ရတ်
နိဿဲ
ပလေဝ်ဒါန်- ↑ ၁.၀ ၁.၁ အိမ်ခြံမြေ မရှိသူတွေကို ပေ ၃၅၊ ပေ ၇၀ ရှိတဲ့ မြေကွက်တွေ လှူဒါန်းပြီး ရွာတည်ပေးမည် (22 Jan. 2021).
- ↑ သံဖြူဇရပ်မြို့က သူဌေးကြီးတစ်ဦးမှ မြေယာမဲ့များအတွက် မြေကွက်များ လှူတန်းနေပါပြီ (22 Jan. 2021). Archived from the original on 25 October 2021။ Retrieved on 16 November 2021။
- ↑ မြန္ျပည္နယ္မွာ ေျမကြက္မ်ား လႉေနသည္ဟုသိရ (22 Jan. 2021). Archived from the original on 27 October 2021။ Retrieved on 16 November 2021။
- ↑ [https://web.archive.org/web/20211027044600/https://swalsonethuta.xyz/archives/15554 နေထိုင်စရာ မရှိသူများအတွက် အခမဲ့ မြေကွက်တွေ လျှောက်ထားနိုင်တယ်လို့ ကြေငြာလိုက်သူတစ်ဦး သံဖြူဇရပ်မြို့က သူဌေးကြီးတစ်ဦးမှ မြေယာမဲ့များအတွက် မြေကွက်များ လှူတန်းနေပါပြီ] (22 Jan. 2021). Archived from the original on 27 October 2021။ Retrieved on 16 November 2021။
- ↑ နာဲဇာတိနာဲ သၟာန် နာဲဂျုင် ညးမပဒတဴ ပ္ဍဲကွာန်နာဲခွေ မိယုင် (04 Nov. 2021).
- ↑ ဗီုညးကဵုဒါန် သဒ္ဓါညး စေတနာညး ဇိုန်ပိုန်ပြင်ဏာ ဒုင်သာဓုညိ ကလောပိုယ် (17 Nov. 2021).
- ↑ ကွာန်နာဲခွေမိယိမ်း သဘင်ပတိုန်ကဍိုင်ကျာ်တုဲယျ (17 Nov. 2021).
- ↑ " ဒက်ပ္တန် ကမ္မတဳသြိုင်ခၞံဗဒှ် ဘာကောန်ဂကူမန် ကွာန်လှာၜိုပ် နာဲခွေမိယုင် (March 24, 2023).