ဘင်ဇၞော်၊ ကျာ်စေတဳ ကွာန်ကအ်ခပုင်
ကျာ်ဘင်ဇၞော် (ဗၟာ: ကန်ကြီးဘုရား) ဝွံ ဒှ်ကျာ်စေတဳ ထေရဝါဒဗုဒ္ဓဘာသာ မနွံ မ္ၚးဍုင်မုဟ်ဍုင် ဗွဲဒိုဟ်အဂၞဲ၊ ဗမံက်ဂၠံင်ဇၞော်မတ်မလီု-ဇြပ်ဗု ဗဒါဲ(ကၟာ)ဘင်ဇၞော်ရ။ ကျာ်ဘင်ဇၞော် ဒက်ပ္တန်လဝ် လတူတိုင်မဟာရာမ် မဒှ်ဒၞာဲတိ မလုပ်အာဒၟံင် ပ္ဍဲကၟာဘင်ဇၞော်ဂှ်ရ။ တိတိုင်မဟာရာမ်ဂှ် နွံ ၄.၆၂ ဨက။ ကျာ်စေတဳဂှ် သမၠုင် နွံ ၈၉ ဟတ်၊ ဗွိုက်ဇိုင်ကျာ်ဂှ် နွံ ၄၁၈ ဟတ်၊ မကၠောန်လဝ် နကဵုဍိုတ် တၟအ်ဝါန်တုဲ ဒှ်ကျာ်စေတဳတြေံမွဲရ။ သဘင်ကျာ်ဝွံ ညးကၠောန်ဗဒှ် ပ္ဍဲတ္ၚဲသၞာံမွဲမံက် ဗွဲတၟေင် မကၠောန်သဘင်ပူဇဴပၞာင်သ္ဍဴ ၉၀၀၀ တုဲ သီုဖဳဗလးပၟတ်သ္ဍဴ ပ္ဍဲကၟာဘင်ဇၞော်ဂှ်ရ။[၁]
| ကျာ်ဘင်ဇၞော် | |
|---|---|
 ကျာ်စေတဳဘင်ဇၞော် ဍုင်မုဟ်ဍုင် | |
  Myanmar ဒၞာဲဒတန် မနွံ | |
| တင်ဂၞင်ဂမၠိုင် | |
| ဒတန်ဒၞး | 16°14′48″N 97°43′57″E / 16.246802°N 97.732395°Eဒတန်: 16°14′48″N 97°43′57″E / 16.246802°N 97.732395°E |
| မဆေင်စပ် ကုဘာသာ | ဗုဒ္ဓဘာသာ |
| ဂိုဏ် | ထေရဝါဒဗုဒ္ဓဘာသာ |
| ရး | တွဵုရးဍုင်မန် |
| ကၟိန်ဍုင် | ရးနိဂီုပံင်ကောံဗၟာ |
| အကာဲအရာလၟုဟ် | active |
| ဗွဲမသောဲဗြောဲ | |
| သမၠုင်ကၞောတ်ကၠတ် | ၈၉ ဟတ် |
ဝင်
ပလေဝ်ဒါန်နကဵုပြဝေဏဳမ္ဂး ပတှ်ေကေတ် ပ္ဍဲကျာ်ဘင်ဇၞော်ဂှ် ညးသၠိုင်စုတ်လဝ် ဓါတ်ကျာ်သော်ကှ်ေကျာ် (သော်ကတကဲစှ်ေဒၟံင် ပ္ဍဲမုက်)ရ။ အတိုင်မချူလဝ် ပ္ဍဲလိက်သၠပတ်ဂဝမ္ပတိမ္ဂး "သဗ္ဗညု အာစိုပ်သြင်ဇၞော်မွဲ ပ္ဍဲမုဟ်ဂြိုပ် သဗ္ဗညု သီုတၠအရှန်ဒၟံင်တဴ ဂွံလၟောင် နတဲသတုံ စှ်ေသပေါတ်တဴ က္ၜံင်ၜါ။ ဒေဝတဴတအ်ဂမၠိုင် ညာတ်တုဲ ပတဴအသဝ်ဇၞော်ဟေင်။ ဒၞာဲဂှ် ဓါတ်သော်ကှ်ေမွဲ သတန် ကျာ်ပျးဒိုဟ်လဝ် ထာန်ဂှ် ဟိုတ်မဒှ် သဘင်ဇၞော် ညးမ္ဂးတၞံ၊ ဂလာန်ဂှ် ဝိပတ်အာတုဲ ကဗင်ဇၞော် ညးမ္ဂးလၟုဟ်ရောင်"[၂]
အတိုင်မဂွံဆဵုကေတ် ပ္ဍဲလိက်သၠရိုတ်မွဲဂှ်မ္ဂး သၟိင်ဍုင်ဇြာ ဗညာသာံဗုဲ ကလေင်လဟဵုပတိုန်လဝ်တၟိ ဒှ်သမၠုင် ပန်စှ်ောဟတ်။ အခိင်လၟုဟ် ကျာ်စေတဳဝွံ နွံသမၠုင် ၈၉ ဟတ်၊ ဗွိုက်ဇိုင် နွံ ၄၁၈ ဟတ်၊ စရောတ်ကျာ်ဂမၠိုင် ပ္ဍဲကဵု ဗလးအရှာံ နွံ ၃၃ တၞုင်၊ လတူဇံင်ဇိုင်ကျာ် နွံ ၅၁ တၞုင်၊ လတူပဇြးပထမ နွံ ၂၃ တၞဟ်။ ပါဲနူဂှ်တုဲ စေတဳမနွံပ္ဍဲဗဒါဲဗဒါဲဂှ် ၁၇ တၞုင်။ အလန်လက်ကြဴအိုတ် ကလေင်လဟဵုလဝ် ကျာ်စေတဳဝွံ ပ္ဍဲသက္ကရာဇ် ၁၁၉၈ ဒှ်မာန်ရောင် စှ်ေစိုတ်ရ။[၃]
ဆက်ဗှ်
ပလေဝ်ဒါန်နိဿဲ
ပလေဝ်ဒါန်- ↑ Moe, Min. ကန်ကြီးစေတီတော်နှင့် ကန်ကြီးကန်. Open.
- ↑ မၞိက်, ၜိုပ် (1957). သၠပတ်ဂဝမ္ပတိ - ၜိုပ်မၞိက် ကလေင်ပလေဝ်လဟဵုလဝ်။
- ↑ မုဒုံမြို့ ကန်ကြီးစေတီတော်ဘုရားသမိုင်းအကျဉ်း. Open.